بكر غبش شق قلبي شقتين

واقع العيش

--------------

فــي وادي الـخـير الـشـحناء مـضطره

تـولـد الـشـر مــن طـالـع و مــن نــازل

الـبعض مـشعب داعـس لـه على الزره

و الـبـعض مـحـيرف يـقـنع بـالـحاصل

والـبعض يـعصر والثاني ياكل العصره

يـعـمل ويـفعل ولا هـو بـالأخير سـائل

يـصير ضـحيه كـل مـن خـالف الخُبره

وصـاحب الـشان مـسكين عنهم غافل

يـبني و يـحكم مـع مـن يحسن الهدره

حـتـى و إن كــان هــو لـلخطاء فـاعل

كـل واحـد امـام الـكبير يشتي الشهره

يـنـمـق الــقـول لــه بـالـزور و الـبـاطل

تحت الكواليس تدار باليوم الف مكره

مـنها تـسلل و لا احـد يـقول لـها فاول

خـطـوط تـهريب تـمر مـنها كـم سـفره

مـا تـسمع الا حـينما يُـقال لـها واصـل

كـل سـارق يـصل لـه مـن الـثمن قدره

يـصل نـصيبه الـى جـيبه و لـو عـاطل

تـسري الـمطالب بين المشرفين شفره

مـن قـال مقدر قالوا لو سمحت حاول

ومن طاح ظهره و ربخ قالوا به بطره

ذا يـا كـبير مـا يـنفع بـالشغل متساهل

وخـاصـه لــو هــو مــا نـفذ لـهم فـكره

عـيونهم تـزدريه مـبغوض تـقول قاتل

يـا صـاحب الـشان أرجـو أوبـه الزُمره

وقـبل كـل شـي أوبـه زمـرة بن فاضل

خوفي عليك ياكبير لو يكسروا الجره

و الله انـــي عـلـيـك يـــا كـبـير زاعــل

أسـأل مـن الله ان يـنزل عـليك سـتره

و يـحفظك انـت و الـوادي من العاذل

ــ ـ